POSTPROGRAMA

      Behin hiruhilabetea amaituta, balorapena egitea da tokatzen zaiguna. Oin arte ikasitakoa, horretarako erabili dugun metodologia, ebaluazio sistema... ebaluatu eta hobetzeko proposamenak ematea izango da postprograma honen bidez lortu nahi duguna. Atalak banan banan aztertzen joango gara:

Helburuak
       - Taldeka lan eginez eta elkarlaz, era autonomo baten ikasten ikastea.
       - IKTei eman ahal zaien erabilera ezberdinak ezagutzea, irakasle moduan gabiltzanean erabil ditzagun.
       - Paper zorro mota ezberdinak aztertuz, honek izan dezaketen garrantzia ikusi eta baloratzea.
       - IKTek emozioak transmititzeko duten gaitasunaz ohartzea, teknologia berrien erabilpenetan sakontzeko.
      -  Eskola 2.0 proiektua eta bere aplikagarritasuna ezagutzea, irakasle gisa erabiliko dugun proiektu bat baita.
      - TIC eta TAC-en ezagutu eta ezberdintzen jakitea, euren arteko ezberdintasunak eta abantailak eta desbantailak kontutan hartuz.
      - Gure kideak aurkezpen bat egiten duten bitartean jarrera egoki bat mantentzen ikastea, errespetuzko jarrera bat izanik, entzulego moduan jokatzen ikasteko.
      - Aurkezpenerako baliabide ezberdinak ezagutu eta erabiltzea, aurkezpen monotonoak sahiestuz, besteen arreta mantentzeko gai izateko.
      - Hezkuntza sistemaren hainbat alderdien inguruko hausnarketa egiten jakitea, jarrera kritikoa landuz, norbere irakasle nortasuna erakitzeko.

Edukiak
       -  Eskola 2.0

       -  Marko Legala

       -  Konpetentzia digitala eta irakasleen prestakuntza

       - Tic-etik Tac-era

       -  Web 2.0 
       - IKT + emozioak

       - Paper-zorroak Hezkuntzan

Metodologia

      Metodologiari dagokionez, irakasleak lan egiteko askatasuna utzi dugula aipatu beharra dago. Ikasten eta ezagutza denon artean eraikitzen irakatsi dugu. 

      Edukiak lantzea eta sakontze maila gure esku egon da eta irakasleak eskatutakoari eman diogun erantzuna oso ona izan da. Metodo hau erabilita, egia da askotan galduta egon garenaren sentsazioa izan dugula baina azkenean talde guztiok lortu dugu gure funtzioa betetzea. Klaseak bere osotasunean funtzionatu du.

Ebaluazioa
       Ikasgai honen atal teorikoaren ebaluazioa egiteko jarraitu dugun metodoa ezsberdina izan da beste ikasgaietakoekin konparatuta. 3 ebaluazio mota dira erabili direnak; ebaluazio heterogeneoa (irakasleak eginikoa), koebaluaketa (taldeok gure artean egin duguna) eta autoebaluazioa (nor bere buruari eta taldeari eginikoa).

       Ez da erreza izaten zure buruari edo zurekin lanean ari diren kideei nota bat jarri behar izatea baina zenbat eta mota gehiagoko ebaluazio sistemak erabili, orduan eta ebaluazio osoagoa izango dugu. Ebaluazio iturri ezberdinak izanda, iritzi gehiago dira kontutan hartuko direnak eta beraz ebaluazio zehatzago bat egin daiteke, beti ere ikasleok zintzotasunez jokatzen badugu.

IKASKETA PROZESUA

Hiru hilabete jada udako azken opor egunetik. Hiru hilabete udan ikusi ez genituen kideekin eguneroko bizitzan elkarbiziz. Irrifarre, gogo eta ilusioz beteriko egunak eta baita bildur, etsipen nahiez eta oztopoz jositakoak.

       Eguen baten autobusetik bajatu eta gutako batzuentzako horren ezezaguna den IKT-en bide honetan abiatu ginen. Ez ginateke gezurretan ariko bide hau erreza izan ez dela esango bagenu.

       Batzuetan egutegia, beste batzuetan grebak edo arrazoi ezberdinak direla medio, trabak izan ditugu ikasgai hau astero jarraitzeko eta horrek arazoezberdinak ekarri dizkigu, bai denbora aldetik eta baita planifikazio aldetik ere.

       Egia da ere, momentu puntual batzuetan giroa ez dela egokiena izan eta bidean aurkitutako bidegurutzeetan galduta sentitu ahal izan garela. Noraezean. Halere, izan dugun denborari zukua atera diogu. Bakoitzak ahal izan duen neurrian eta talde bakoitza, berari egokitutako gaian, aurkeztu zaizkigun aukerak aprobetxatu ditugula esan daiteke. Eskertzekoa da danok egin dugun ahalegina.

       Ikasgai honetan ikasi dugunaren zati handi bat, guk geuk eraikitako ezagutza izan da. Gai orokor bat hartuta guk aukeratu behar izan ditugu, bai edukiak eta bai eduki horreek transmititzeko erabili beharrekobaliabideak. Bitartean, irakaslea, behar izan dugunean hor egon da laguntzeko eta egin beharreko lanak gidatu eta bideratu ditu.

       Bakoitza era baten. Ikasle eta talde guztiak ezberdinak gara gure artean eta ezberdinak baita, talde bakoitzak landu behar izan duen gaia eta beraz, aurkezpen mota ezberdinak izan ditugu. Prezy, Power Point, bideoak, antzerkiak... ikusi denez, era asko erabil ditzakegu IKTei buruz ikasitakoa besteekin elkarbanatzeko eta guretzat baliagarriak diren hainbat baliabide ezagutu ditugu.

       Orokorrean beraz, lan oso onak izan ditugula esango genuke. Klase moduan nahiko ondo funtzionatu dugu. Emaitzak bistan daude.

       Arin pasatu bazaizikigu ere, hiru hilabeteek ihes egin dute baina honek ez du esan nahi bidea hemen amaitzen denik. IKTen bidean egon bagaude eta ibili bagabilz, baina urratu beharreko bide luze bat daukagu aurretik. Etengabe aldatuz doan mundu bat da sarritan handiegia egingo zaigun arren, bertan murgildu, ikasi eta jakitun egon beharra daukagu.

       Besterik gabe. Eskerrik asko denoi ebaluatzaile taldearen partez, bai ikaskideei lanak egiteko izandako gogoengaitik eta lortutako emaitzengaitik. Irakasleari, erabilitako metodoagaitik eta pertsona heldu moduan ikasteko aukera ematearren. Eta azkenik, gutxi batzuk izango bazarete ere, blog honi begiradatxo bat bota diozuen guzti guztioi!

      Ondo segi eta laster arte! Zaindu zaitezie!

INKESTA

EGINIKO INKESTEN EMAITZAK

Erabilitako metodologiaren balorapen bat egiteko,inkesta batzuk prestatu ditugu. Inkestan, metodologiaren aspektu ezberdinak hartu ditugu kontutan eta talde guztiek bete dituzte, klaseak  jarraitutako prozesuaren inguruan duen iritzia jakin dezagun. Honela, egindakoa ebaluatuko dugu eta emaitzak ikusita,  behar izanez gero hurrengo urte baterako beharrezkoak diren moldaketak egiteko.

Hurrengoko lerroetan, inkestan eginiko galderatatik lortutako emaitza kuantitatiboak aurkezten ditugu:

·       

            Gaiaren erabilgarritasuna:                          3,5/5

·         Gaiaren inguruko aurre-ideia:                    3/5

  Lan egiteko zailtasun maila:                       2,875/5

·       Lanaren planifikazioa:                                 4.25/5

 Aurkezpena:                                                4.375/5

·       Aurkezpena egiteko denbora:                      3.625/5

·         Ebaluazio orokorra:                                     4/5

Emaitza hauek azterturik, argi ikus daiteke landutako gaiak oso baliagarri eta erabilgarriak direla. Izan ere,  hasiera batean hauei buruz izandako aurre-ideia eskasak baziren ere hau landuz benetan baliagarria den jakintza bat sortu delako.

Hala ere, lana berez egiteko zailtasun askorik egon ez dela ikus daiteke, suposatzen dugu honi buruzko informazio ugari aurkitu dutelako iturri ezberdinetan. Baina, zailtasun gehiago izan dituzte hau planifikatzen (taldekideen artean lana banatzen, lana garaiz amaitzeko orduan etab.) eta honek ondorio negatiboak izan dituela esan daiteke. Hau da, aurkezpenak egiterakoan traba gehiago izan dituzte bai planifikazioaren ondorioz bai aurkezpenak egiteko. Izan ere, aurkezpenak ez dira Powert Point batean eta diskurtso batean soilik oinarritu.

Oraingoan, aurkezpen oso originalak, dibertigarriak, dinamikoak, arreta deitzekoak eta modu ezberdinetakoak egin dituzte. Honek, denbora gehiago eskatzen du eta hau, lauhilabete honetan ez da izan sobran izan dugun zerbait. 
 
Honekin lotuta, talde bakoitzak hamar bat minutu zituen gaiaren aurkezpena egiteko eta orokorrean (emaitzak begiratuz) denbora muga hau oso eskasa izan da gehienei ez baitute denborarik izan aurkezpena patxadaz amaitzeko.

Emaitza kuantitatiboak alde batera utziz iradokizun ezberdinak jaso ditugu ikaskideen aldetik. Hauek, aurretik esan bezala gehien bat aurkezpenak egiterakoan denbora falta izana eta lana berez garatzeko denbora gehiago izatea izan dira. Hala ere, badakigu hau egutegiarengatik gertatu dela hainbat zubi izan ditugulako tartean.

Azkenik, esan beharra dago aurreko lerroetan aipatu bezala, bidetik traba asko egon diren arren ebaluazio orokorra positiboa dela. Horregatik, uste dugu gai hauek lantzeko denbora gutxi izan dugun arren oso baliagarria, erabilgarria eta interesgarria izan dela hauek lantzea.

AURKEZPENAK

7.saioan azkenengo aurkezpenekin goaz:

• IKT eta emozioak
• WEB 2.0
• Paper zorroa
• TIC TAC era
• Ebaluatzaileak

Aurkezpen hauen ebaluazioa bertan izango dugu:

http://ikateatzen.blogspot.com.es/2012/11/7saioa.html

7.saioa

        Arbelera irten den lehenengo taldeak, IKT eta emozioen gaia aurkeztu digute. Erabili duten baliabidea prezia izan da eta baliabide honekin normala denez, dena nahiko ondo antolatuta izan dute. Irakasleen eta IKT-en arteko erlazioa nolako den deskribatu dute eta oso esanguratsua iruditu zaigu behin eta berriz errepikatu duten ideia: ordenagailuek ez dute sekula irakaslearen papera hartuko. Ez da sekula egongo irakaslearen adierazkortasuna eta gertutasuna izango duen ordenagailurik.  Honekin batera, irakasleen prestakuntza eskasaz gain, IKTak erabiltzeko dauden erresistentziak azaldu dizkigute.            

   

     Oso interesgarria emakumearen paperan sakondu izana, eurek izan baitziren programatzen hasi zirenak. 

       Azkenik emozioei dagokionez, ikasleek IKTez egiten duten erabilera eta honen ondorioz irakasleek izan ohi duten frustrazio sentimenduak sortzen dituen egoerak aurkeztu dizkigute eta amaitzeko, inkesta bat egin digute norbere burua teknofilo ala teknofobotzat hartu beharko litzatekeen jakin dezagun.

      Jorratutako gaia nahiko gertua izan zaigu eta ez dute informazio larregi sartu. Beraz, jentearen atentzioa mantentzeko gai izan dira. Ondo hasi dugu gaurko eguna!

     Egiten ari garen aurkezpenen maila nahiko altua dela esan genezake... baina bigarren talde honek aurreko aurkezpen mota guztiekin apurtzea erabaki du! Bideojoko bat ekarri digute!!!! Segur aski ez da dendetan gehien saltzen diren jokoen artean egongo, baina oso ondo egin dutela aitortu beharra dago. Euren gaia WEB 2.0 izan da eta honen ezaugarriak, eurek sorturikobideo original batzuen bitartez azaldu dituzte. Barre batzuk bota ditugu eta bideoak ikusi ostean oraindik ez dakigu zelan gure kide batzuek magisteritza ikasten dauden, arte dramatikoa ikasten egoin beharrean! Aipatzekoa Aneren antzezpena! Hunkigarria!

     Behin ezaugarriak aztertuta, onak zein txarrak, bideojokoaren txanda heldu da, non Carlos Soberaren "Nork izan nahi du aberats?" programaren formatoa jarraituz, gaiarekin lotutako galdetegi bat egin duten. Oso aurkezpen gertua eta dibertigarria! 

     Hirugarren taldeak, orain dela 2 aste beste talde batek egin zuen bezala, TICetik TACerako bideaazaldu digu. Horretarako prezi bat erabili dute baina eurek pertsonalki klasean aurkeztu beharrean, prezia komentatzen grabatu dituzte euren buruak eta bideo baten moduan aurkeztu digute. Honez gain bideo bat prestatu dute baina arazo batzuk direla eta (problemas del directo) ezin izan dugu ikusteko aukera izan. Informazio asko sartu dute, laguntzazkoa izan daitekeena IKTen inguruko beste ikuspegi bat izan dezagun baina azkenean, beste kasu batzuetan komentatu dugun bezala, klasean denen aurrean hitz egitearen gertutasuna faltan bota da. Halan eta guztiz ere, oso lan ona neskak!!! Hori da gai bat sakonki lantzea!

          Laugarren taldea, azkenik, aurten horren famatuak egin zaizkigun PAPER ZORRO horien inguruan aritu da. Mota ezberdinen abantailak eta desabantailekin hasi dira eta oso ondo iruditu zaigu adibide ezberdinekin jokatu izana, azken finean, emandako teoriaren aplikagarritasuna ikusteko aukera ematen baitizu. 

          Erabili duten baliabidea kuriosoa izan da eta ohiko baliabide digitalak erabili beharrean, mural ezberdinak erabili dituzte alkarrekin itsatsita daudenak. Diapositiba batzuen modukoak izan dira, bata bestearen atzean ateratzen joan direnak, eskuz eginiko power point bat original bat izango bailitzan. Beste baliabide barri bat!

* Ez dakigu zelan egongo den baina paperzorroak itxura ona behintzat badu! Oso originala paper zorroa egiteko egin duzuen zorroa.           

AURKEZPENAK

6.saioan beste gai batzuen aurkezpena egin da, kasu honetan:

• konpetentzia digitila ( I )
• konpetentzia digitila ( II )
• konpetentzia digitila ( III )

Talde ebaluatzaileen lana bertan ikus daiteke:

http://ikateatzen.blogspot.com.es/2012/11/6saioa.html

6.saioa

Kaixo lagunok!

            Hemen gaude berriz ere zuekin! Gaurko egun honetan, pasadan astean hasitakoaurkezpenekin jarraitzea tokatu zaigu. Orain arte egindako lanak erakusteko garaia da!!

           Urten dan lehenengo taldea, Eskola 2.0ren kontzeptua aztertu eta horren inguruan jardun dira. Bere historia azaldu digute (ez genkian Zapaterok sartutako proiektu bat zanik) eta honekin batera, sistema honekin lortu ditzakegun abantailak eta jasan beharreko desabantailen inguruko hausnarketa bat egin dute. Azkenik, aurkezpenaren laburpen txiki bat egin dute ondorio nabarmenekin, Muskizeko eskola baten egindako froga bat erakutsi digute eta honekin batera, jarduera batzuk proposatu dizkigute.

            Aurkezpena egiteko, grabazioa da erabili duten baliabidea. Aldez aurretik, azaldu beharrekoa grabatu egin dute eta klasean audio hori aurkeztu dute power point baten laguntzaz. Esandakoa era ulergarri batean azaldu digute baina gure aburuz, grabazio baten bitartez eginda, gorputzaren adierazteko gaitasuna eta momentuan egiten diren aurkezpenak ikuslegoak dituen beharretara moldatzeko aukerak galtzen dira. Hala ere, era egoki eta nahiko sakonki aurkeztu digute Eskola 2.0 proiektua.

            Bigarren taldearen aurkezpena nahiko fuerte hasi da, 20 Century Fox-en pelikula baten moduan. Talde honek landutakoa, konpetentzia digitala izan da. Horretarako, bideo bat erabili dute. Pailazo sudurra, betaurreko handi batzuk, pelukak...erabilitako baliabideak nahiko deigarriak izan dira eta aurkezpenen monotoniarekin apurtzea lortu dute. Bideoa eta bitartean entzuten zan musikaren bitartez ikuslegoaren arreta bereganatu dute eta pantailan agertzen ziren testu laburren bitartez, esandako guztiaren artean garrantzitsuena azpimarratzeko gai izan dira.

       
        Azkenik, bideoa behin amaituta eta toma faltsuekin  barre batzuk bota ostean, IKT-ak lantzeko gomendio ezberdinak eman dizkigute, klasean erabilgarriak izango direnak. Oso bideo ona neskak! Oso ona!!!! Gaur arte pentsaezina zen Gangman Style-a klasean entzutea! 

            Hirugarren taldearen aztergaia ere,konpetentzia digitala izan da. Aurkezpen hau ere nahiko ondo egon da. Erabilitako baliabidea Prezia izan da eta aurrekoa bezain dinamikoa izan ez bada ere, ikusi da gaia sakonki landu dutela eta azaldu beharrekoa era ordenatu eta argi batean adierazi dute. Gustatu zaigun gauzetariko bat, bakoitzaren txandaren ostean esandako garrantzitsuenaren azpimarraketaizan da, barneratu beharreko ideiak besteen gainetik nabarmendu baitituzte.

             4. Taldeak ere, bideoa erabili du adiereazpen baliabide gisa. Baina oraingo honetan sorpresatxo bat ekarri dizkigute!! Txotxongiloak!!! Talde honek jorratu duen gaia konpetentzia digitala izan da eta txotxongiloen bitartez grabatutako antzerki baten bitartez eman dute azalpena. Oso dibertigarria izan da eta edukiak barneratzeaz gain, ondo pasatzeko eta dibertitzeko tartetxoak ere izan ditugu. Berezia!!

AURKEZPENAK

5.saio honetan aurkezpenekin hasi gara eta hurrengo taldeen aurkezpenak egin dira:

• Eskola 2.0 
• TIC TAC
• Marko legala ( I )
• Marko legala ( II )

Aurkezpen hauen ekarpenak hurrengo etiketan aurkituko dira:

http://ikateatzen.blogspot.com.es/2012/11/5saioa.html

5.saioa

Modulu lana, greba, kaosa... atzean utzita, heldu da eguna! Heldu da gure lanak aurkezteko eguna. Lanean pasatu ditugun asteen eta ordenagailu aurrean emandako orduen ostean lortutako emaitzak besteekin elkarbanatzeko eguna. Irakaslearen papera hartu, lapsusak ekiditzeko "txuletatxoak" egiteko eta klasearen aurrean berba egiteak sortzen digun segurtasun eza horrekin jolasten jakiteko eguna.

         Jadanik jakina denez, ez dugu denbora askorik izan aurkezpenak egiteko. Ordu bat baino ez. Beraz, taldeek arin hasi behar izan dute Lehenengo taldea, Eskola 2.0 -aren gaia azaltzeaz arduratu da. Prezia izan da aurkezteko aukeratu duten eredua eta oso ondo egituratuta egon dela iruditu zaigu. Ekarpen teorikoak eta praktikoak izan dituzte eta oso interesgarria iruditu zaigu sistema honek dituen aplikazio posible ezberdinetan sakondu izana (azalpena + bideoa + sekuentzia didaktiko bat). Hainbestetan erabiltzen dugun Eskola 2.0 termino honetan gehiago sakontzeko aurkezpen oso baliagarria!

         Hurrengo aurkezpena TIC, TAC terminoen eta haien arteko aldeen ingurukoa izan da. IKT terminoa geroz eta erraztasun gehiagoz erabiltzen dugun arren, TAC hitza oraindik ezezaguna egiten zaigu. Ikaskuntza prozesua oso ondo azaldu dute eta aurreko taldeak egin duen bezala, ikasgelan duenaplikagarritasunari arreta berezia jarri diote, izan ere, aurkezpen hauek egiten baditugu, etorkizunean erabili ahal izango ditugun prozesu, eduki edo teknikak lantzeko da.Oso ondo antolatuta egon da, beharbada batzuetan larmekanizatua, eta espazioaren erabilera ikaragarri ona izan da! Bazen ordua ikasleok irakasle papera hartzeko eta irakasleei hainbeste gustatzen zaizkien paseotxo horietako bat emateko! Oso gertua alde horretatik! ZORIONAK!

        Hirugarren taldeak, Marko Legala gaia aurkeztu digu. Horretarako bideo formatoa erabili dute, power point baten eta aldez aurretik jarritako ahots baten laguntzaz (en off, esaten dana). Sormena erabili dute bideo bat sortzerako orduan eta hobetzeko zeozer aipatu beharko bagenu, horrenbeste letra irudi batzuen ordez ordezkatzea edota klase aurrean ere berba apur bat egitea aipatuko genituzke, klasearen aurrean inor ezpadago, arreta mantentzea zailagoa da eta momentu batzuetan astuna egin baitaiteke. Orokorrean ondo! Informazioa oso ondo aukeratua!

 
  Azkenengo taldeak, sorpresatxo bat prestatu digu. Azkenengo hauek antzerki bat ekarri digute!! Eurei tokatu zaien gaia Marko Legala izan da eta grabatutako antzerki baten bitartez jorratu dute gaia. Horrez gain, mapa mentalak erabiliz eskema bat osatu dute arbelean dena hobeto ulertu daiten! Aurkezpen originala benetan! Oso ondo pasatu dugu eta oso giro ona egon da!

       Eskerrik asko denoi! Oso ondo landutako aurkezpenak! Igertzen da zailtasunak izan ditugun arren jenteak lan egin duela. Hurrengo astean gehiagorekin etorriko gara.

       To be continued...

   .............................................

4.saioa

 Bi astez gure blog-a eta gure ebaluatzaile rola alde batera utzita izan eta gero, berriz ere lanari ekitea tokatu zitzaigun. Oraingo honetan ere, greba eta modulu lan astea tartean izanda, taldeko jarri eta  taldez talde gure egoeraz galdetuak izan ginen. Danetarik ikusi ahal izan genuen baina aurreko egunarekin konparatuta, talde batzuek behintzat euren lana garatzen hasiak zirela ikusi ahal izan genuen.

          Bestalde, jentea oraindik ere galduta egoanaren sentsazioa gelditu zitzaigun. Talde batzuk oraindik hasi barik zeuden eta baten bat euren testuak oraindik irakurri gabe. Gu ere, talde moduan, nahiko galduta sentitu ginen. Egun honetan bertan, hurrengo bi asteetako eguenak jai egunak zirela esan ziguten... eta guk zer ebaluatuko dugu?¿ Hori da Alaitzi egin genion galdera eta klasearen aurrean aurkeztu genuenzalantza.

         Orain arte egun bakarra izan genuen ebaluatzaile gisa (non talde lanik ez zen egon) eta bigarren klase honen ostean, beste aste bi egongo ginen IKT-ko klase batera joan gabe. Beste taldeek, etxean burutu dezakete euren lana baina gurea klase orduetan oinarritzen da, saio bakoitzaren behaketan eta behaketa horren ebaluazioan. Klase orduak euki ezean, ezinezkoa izango zitzaigun lan hau aurrera eramatea. Beraz, eta Alaitzen hitzak jarraituz, egoerara moldatzea besterik ez genuen. Egutegiak markatzen dizkigu saioak eta honez gero, gutxi batzuk izango badira ere eta ebaluatzeko materia askorik izango ez badugu ere, eduki eta edukiko ditugun saioen inguruko gogoetak eta ebaluaketak egiten jarraitu beharko genuen.

        Behin dana komentatuta, aurkezpenen datak zozketa bitartez erabaki ziren eta saio kopuru murriztuaren aurrean, modulu lan asteko egueneko saioa mantentzea erabaki genuen. Gu, azkenak izango ginen eta ebaluatzaile moduan, azken taldeak amaitutakoan, prozesu osoaren balorapen bat egingo genuen.

    Saioaren erdialdean, "La educación prohibida"pelikularen zati bat ikusi genuen. Oso ideia baliagarriak agertzen dira hezkuntza munduari begira eta baita oso hausnarketa interesgarriak ere. Pelikula ikusita, bertako idei batzuk azpimarratzea gustatuko litzaiguke:

           - Ikasleei sormena lantzeko aukerak eman behar zaizkie.

           - Behaketaren bitartez ikasi eta hezitzen da.

           - Errepikapena ez da ikasteko bidea.

           - Ez da komeni ume bati eman ahal duena baino gehiago exigitzea.

         - Gauzak norberarentzako egin  behar dira. Guretzako interesgarria dena eta ez ebaluatzaile bati begira.

           - Ikasteko disfrutatu egin behar da

           - Aurkikuntzaren bitartez ikasitakoa ez da ahazten

      Pelikula benetan interesgarria izan zen eta gauza barriak ikasi genituen gure etorkizunari begira. Halere, beste egun bat pasatu zitzaigun taldeko lanik egin gabe. Normala da. Irakasleak eduki batzuk eman behar ditu eta horrenbeste jai egun izanda ezin da denerako denborarik izan. Honez gero, nahiko zaila da ikasleontzako ere lan bat egin behar izatea eta lan hori burutzeko denbora tarte bat ere ez izatea klasean.

     Honen ondorioz, gure hasierako ideia bidean utzi behar izan dugu jada. Gai hau tokatu zitzaigunean, bideoak egiteko dugun zaletasuna ikusita, bideo bat egitea pentsatu genuen prozesuaren laburpen gisa. Bertan, lan egiten dugun bitartean grabatutako irudiak, prozesua deskribatzeko ahotsekin batera nahastea zen gure ideia eta era honetan, ebaluazioa era erakargarri eta argi batean plasmatu nahi genuen. Kamerak, pilak, bateriak... denetarik ekarri genuen egun honetarako, baina egun honetan bertan argi gelditu zitzaigun ezin izango genuela proiektu hori aurrera eraman.

      Klaseko giroari begira, ez zen gure egunik onena izan. Ez dakigu talde moduan kokatu ginelako izan bazen baina argi dago berba larregi egin genuela, giroa nahiko nahasia izan zela eta seguruenik, lan nekeza izango zen Alaitzentzako klase hori ematearena. 

BEGIRATU-HAUSNARTU-LANEAN JARRAITU

Bi astez klaserik eukin gabe egon ostean eta hurrengo bi asteetako zubiak baino lehen, Urriaren 18ko klase honetan, aurreko baten egin bezala komunean jarri genituen taldeko egiten gabizen lanak eta egia esan, gauzak ez ziren aurreko egunean baino askoz hobeto egon.





Bestalde, La Educación Prohibida bideoa ikusi genuen, ikaskuntza-irakaskuntza prozesuaren inguruko gogoeta bat dena. Asko gustatu zitzaigun bideo bat da izan ere hezkuntzaren inguruko oso ikuspegi interesgarria dauka eta gure ustetan, idei oso baliagarriak azaltzen ziran.

GREBA OROKORRA (11X12)

MODULU LANA

Aste honetan, modulu lan astea suertatu zitzaigun. Klasean, lan modularrerako bideo bat egin behar dugunez gero, bideoak egiteko era ezberdinak ikusi ziran. Halere, gu behintzat, talde moduan, gure fakultateko ordenagailu gelan lanean egon ginen. Gure graduko bigarren urtean egonda, badakigu zer dan modulu lan bat egitea... Esperientziak dinosku ez dala komeni holako lanak azkenerako uztea!

3.saioa

Blog honetan, gure egunerokoaz gain, ebaluatzaile moduan ditugun eritziak, hobetzeko proposamenak, lan taldeen jarraipena... eskuragarri izango dituzue.

      Ebaluatzaile moduan jardun ginen lehenengo eguna, 3. saioa izan zen. Beti bezela, saioa, ordu batekoa izan zen eta hasiera emateko talde bakoitzak, gainontzeko taldeei bere lana nola zihoan aurkeztu behar izan zuen. Guk, logikoa denez, ezin izan genuen gauza handirik esan izan ere gure lana beste taldeak eta ikasgai konkretu honetako ikaste-irakaste prozesua ebaluatzea baita.

      Beste taldeek esandakoa erreferentzitzat hartuta, lanarekin hasteko denbora gehiago beharko genuela argi gelditu zen. Talde askok, ez zuten eurei egokitutako testua irakurri ezta informazioa aukeratu eta kasu batzuk egon ziren non taldekide batzuk eurei egokitutako gaia zein zen ere ez zekitela. Halere, ez zitzaigun horren larria iruditu egoera. Oraindik hirugarren astean ginen, kurtsoa hasi berria zen eta denbora nahikoa genuen aurretik talde bakoitzak bere lana burutu ahal izateko.

     Honen ostean, gure egunerokoan adierazi dugun bezala, XXI. mendeko ikasketa eta irakaskuntzari buruzko gogoeta antzeko bat egin genuen. Horretarako, irudi ezberdinak ikusi genituen eta bertan, hezkuntzan egiten den IKT edo teknologia berrien erabilera ikusi ahal izan genuen. Grafiko hoien interpretazioak eta norbere eritziak elkarbanatuz, solasaldi interesgarri izan genuen.

   Honekin guztiarekin, saioaren amaierara heldu ginen. Laburbilduz, taldeei dagokionez, egoera nahiko kaotikoa izan zitekeela uste genuen, normala dena beste alde batetik. Klaseari berari dagokionez, gure ustetan, gaia aukeratu eta aste batera talde bakoitzak egindakoa elkarbanatzen ordu erdi pasatu beharrean, lan egiteko denbora uztea komenigarriagoa izango litzateke.

     Badakigu etxean lan egin behar dugula, eta are eta gehiago gaur egun dugun sistema unibertsitarioarekin, baina lanak egiterakoan hasiera izan ohi da arazo gehien dakartzana. Lana norantza orientatu, nondik hasi eta nora arte joan... erabakitzea nahiko zaila izan omen da eta beraz, talde bakoitzari lan egiteko denbora libre apur bat uzteak gauzak nabarmenki erreztuko lituzkela uste dugu. 

IRAKATSI ETA IKASI XXI MENDEAN

Hirugarren saio honen hasieran, taldeka jarri ginen eta talde bakoitzeko ordezkari batek, bere egoera aurkeztu zuen klasearen aurrean, gutxi gora behera, guztiok jakin ditzagun beste taldeen nondik norakoak.

Ondoren, hausnarketarako tarte bat izan genuen eta horretarako, XXI mendean ikas-irakaste prozesuetan, teknologia berriek duten presentzia, erabilgarritasuna eta suposatu duten aldaketa azaltzen digun aurkezpen bat erabili genuen. Honela, bertan agertzen diren grafiko eta irudiak interpretatuz, gaur egungo sistemaren, teknologia berrien eta haien aplikagarritasunaren inguruko hausnarketa txikiak egin ditugu altuan. 

GAIEN AUKERAKETA

Bigarren eguna igarota, argi gelditu zitzaigun IKT-ko saio teoriko hauek nahiko laburrak izango zirela (1h) eta aurreko astean bezala, genuen gauza handirik egiteko denborarik izan. Oraingo honetan, aurreko saioan osatutako taldeen talde fitxak egin genituen eta honen ostean, saio teoriko hauetan zehar jorratu beharreko gaiak aukeratzea tokatu zitzaigun. Talde bakoitzak gaia aukeratzerako orduan, ez zan guztion arteko adostasunik egon eta beraz, sosketa bitartez egitea erabaki genuen.

GAIAK:

       -  Eskola 2.0

       -  Marko Legala

       -  Konpetentzia digitala eta
          irakasleen prestakuntza

       - Tic-etik Tac-era

       -  Web 2.0 eta ikasleei protagonismoa
          helarazi
       - IKT + emozioak

       - Paper-zorroak Hezkuntzan

Guri azken hau tokatu zitzaigun eta honen ondorioz, ikaskuntza prozesua dokumentatu eta ezagutza konpartitzea izango zan hortik aurrera izango genuen egin beharrekoa. Beste era batera esanda, talde ebaluatzailea ginen eta honez gero, beste taldeen lana, hobetu beharreko aspektuak, klaseko giroa...aztertu eta ebaluatu behar genuen, ateratako ondorio guztiak gero klasearekin konpartitzeko.

TALDEAK OSATZEN

Lehen saio nahiko light izan zan eta bertan, irakasleak ikasgaiaren aurkezpena egin zigun eta hurrengo saioetarako lan taldeak osatu genituen. Horrez gain, magisteritzako gradu honetan arraroa bada ere, lehen astean jada etxeko lanekin hasiak ginen! Egin beharrekoa ez zan horren lan zaila izan (testu bat irakurri, laburpena eta 5 hitz gakoren zerrenda) baina uda behin pasata, aste batetik bestera egin beharreko lanen ohitura hartzen joateko ez zen gaizki etorri!